A cultura é un dereito

Estás en:A cultura é un dereito

Cultura, cooperación e territorio. A política cultural da Deputación da Coruña desenvólvese ao redor destes elementos, a partir dos cales procuramos axudar a construír unha sociedade viva, dinámica, consciente, orgullosa da súa identidade e sabedora do seu potencial.

Cremos na cultura como ferramenta para a mellora social. E apostamos por traballar, para a conseguir, cos diferentes axentes e actores culturais da nosa sociedade. Cooperamos cos concellos, as entidades e as e os artistas desde o local, desde a proximidade.

Acreditamos firmemente en que a cultura é un dereito, que alimenta, que nos fai o que somos. O espazo das ideas e dos valores, que non pode reducirse a ornamento. Por iso traballamos. Cultura en todos os concellos, cultura con todas as persoas.

Xornada en curso: I Congreso de Teatro Amador

Próximas xornadas

DIAGNOSE E NECESIDADES DO MUSEO LOCAL

4, 5 e 6 de novembro
Auditorio do Museo das Peregrinacións e de Santiago, Santiago de Compostela
Comisaria da xornada: Araceli Abad Barreiro

O Museo local debe ser un punto de referencia da cultura da súa contorna, pero sabemos que en algúns casos, por diversas razóns, non sucede deste xeito. Para axudar a cumplir esta función, desenvolvemos as Xornadas Diagnose e Necesidades do Museo Local, que buscan dar unha visión práctica, dentro do ámbito local, para as diferentes funcións que o museo debe cumplir. Para logar, ese punto de conexión e dinamismo entre a contorna, a nosa institución, e o publico visitante, buscando reforzar e reflexionar sobre os valores das comunidades onde estan ubicados.

Debido a que o aforo é limitado por mor da situación sanitaria, todas as intervencións retransmitiranse en streaming a través da canle de Youtube: Cultura Deputación da Coruña.

PROGRAMA

XOVES 4

MAÑÁ

9:45 a 10:00 h. Benvida e recepción das autoridades. Presentación a cargo de Xurxo Couto, Deputado de Cultura da Deputación de A Coruña e de Araceli Abad Barreiro, comisaria das xornadas, vogal do Ilustre Colexio Oficial de Doutores e Licenciados en Filosofía e Letras e en Ciencias de Galicia e presidenta da súa Sección de Museoloxía.

10:00 a 11:00 h. Os museos locais non son locais para museos: continente, contido e contención. Luís Grau Lobo, director do Museo de León.

11:00 a 12:00 h. A función social da Rede Museística Provincial de Lugo. Encarna Lago González, xerente da Rede Museística Provincial de Lugo.

12:00 a 12:30 h. PAUSA

12:30 a 13:30 h. Concepto e xénese da exposición Temporal. Da investigación á difusión. Andrés Gutiérrez Usillos, conservador do Museo de América.

13:30 h. MESA DEBATE / PREGUNTAS

TARDE

16:00 a 17:00 h. Documentación. A engranaxe central do mecanismo dun museo. Esperanza Gigirei Liste, directora do Museo das Peregrinacións e de Santiago; Roberto Aneiros García, conservador do Museo das Peregrinacións e de Santiago.

17:00 a 18:00 h. Creación de textos no Museo para todas as persoas. Isabel Fernández Domínguez, consultora e formadora senior experta en proxectos de comunicación patrimonial.

18:30 h. MESA DEBATE / PREGUNTAS

VENRES 5

MAÑÁ

10:00 a 11:00 h. O desenvolvemento da Lei de Museos de Galicia e o seu impacto nos museos locais. Anxo M. Lorenzo Suárez, Secretario Xeral de Cultura da Xunta de Galicia.

11:00 a 12:00 h. Rede de Museos Locais da Deputación de Barcelona. A importancia da cooperación ante os desafíos da sociedade contemporánea. Laura Costa Matea, xefa da Unidade da Rede de Museos Locais da Oficina de Patrimoni Cultural da Deputación de Barcelona.

12:00 a 12:30 h. PAUSA

12:30 a 13:30 h. «Pantallas lejanas». Improvisación e estratexia do museo dixital. Tania Fábrega García, conservadora do Museo Nacional de Escultura.

13:30 h. MESA DEBATE / PREGUNTAS

TARDE

16:00 a 17:00 h. Problemas e oportunidades para a investigación no eido da historia local: arredor do Museo Marea do Porto do Son. José Manuel Vázquez Lijó, profesor asociado da UDC e responsable do Museo Marea de Porto do Son.

17:00 a 18:00 h. O Plan de conservación preventiva: unha ferramenta para protexer o patrimonio. María José Ruíz Vázquez, restauradora do Museo Etnolóxico de Ribadavia.

18:30 h. MESA DEBATE / PREGUNTAS

SÁBADO 6

MAÑÁ

10:00 a 10:45 h. Da poética á política. O ser ou non ser dun museo local. Carolina Casal Chico, museóloga.

10:45 a 11:30 h. A reformulación dun proxecto museolóxico local: O Museo dos Oleiros. Ana Justo Rajó, técnica do Museo dos Oleiros-José María Kaydeda do concello de Oleiros.

11:30 a 12:15 h. Do caos á especialización: o exemplo das boas prácticas do Museo Valle-Inclán (A Pobra do Caramiñal). Antonio González Millán, director do Museo Valle-Inclán da Pobra do Caramiñal.

12:15 a 12:45 h. PAUSA

12:45 a 13:15 h. Liñas de apoio aos museos. Participan:

Representante da Sección de Cultura e Deportes da Deputación da Coruña.
Carolina Casal Chico, museóloga.
Cristina Trigo Martínez, docente da Área de didáctica da expresión plástica da Facultade de Ciencias da Educación.
Xosé Eduardo López Valiña, conservador jefe da Fundación Eugenio Granell.

13:30 h. MESA DEBATE / PREGUNTAS

14:00 Peche das xornadas.

CULTURA SUSTENTABLE

1 de decembro de 2021

Pazo de Goiáns, Boiro

Comisario da xornada: Alberto García Sánchez

Antes do virus estábamos instaladxs no "pensamento único" das industrias culturais que trasladaban unha idea de cultura entendida exclusivamente en termos economicistas (industria, consumo cultural, produtos).

Nesta era Covid, que tamén debera ser de reflexión e reformulación das formas de facer, aparecen institucións como a Deputación da Coruña que nos lembran que a cultura, ademais dun recurso económico lexítimo é un dereito cidadán.

Esta xornada de cultura sustentable, enmarcada na liña "A cultura é un dereito" da área de cultura da Deputación da Coruña insiste na idea de que outra cultura é posible. Unha cultura sustentable economicamente, lóxica e que aplique criterios de distribución baseados na equidade. Unha cultura sustentable socialmente que teña moi en conta o ecosistema cultural, onde a cidadanía, a creación amadora e a participación son aspectos imprescindibles e complementarios á cultura entendida como industria. Unha cultura tamén sustentable ambientalmente, neste intre de emerxencia climática e vital que atravesamos.

En definitiva queremos reflexionar sobre as formas de traballar en cultura a partires de agora, tendo en conta o momento que vivimos, o marco da axenda 2030 e tamén as nosas características e potencialidades propias como sistema cultural, que ademais encaixan á perfección cas diferentes dimensións da cultura sustentable como paradigma de futuro.

Debido a que o aforo é limitado por mor da situación sanitaria, todas as intervencións retransmitiranse en streaming a través da canle de Youtube: Cultura Deputación da Coruña.

PROGRAMA

16:00 h. Presentación institucional da xornada.

16:15 h. Debate Sustentabilidade ambiental vs. Greenwashing. Participan:

María Baqueiro, (pacto por unha cultura sustentable en Galicia).
Joam Evans, (comunidade de montes de Froxán).
Conduce: Miguel Rial, colectivo Fousas ao Monte.

16:45 h. Presentación de casos Proxectos sustentables. Participan:

Fran Quiroga (estudo de cultura e sustentabilidade CCG).
Laboratorio Ecosocial do Barbanza.

17:15 h. Mesa Redonda Sustentabilidade política. Os valores que traslada a cultura. Participan:

Rexenerando Cooperativa.
Festival Agrocuir.
David Rodríguez "O funambulista coxo".
Conduce: Charo Lopes (Novas da Galiza).

18:00 h. Cuarta parte. Sustentabilidade económica. A precariedade no sector da cultura. Conversa entre Sergio Lago, Marcos Lorenzo e María Yáñez sobre o "manual de supervivencia na cultura galega".

18:30 h. Piscolabis e actuación especial Precariedade de AldaoLado.