Un proxecto de divulgación histórica que busca representar a historia medieval de Galicia a través da cartografía. O seu obxectivo é ofrecer mapas contextualizados con contido explicativo en diversos formatos para facilitar o seu uso na docencia e a difusión.

O proxecto comezou cunha fase de investigación e consulta cun comité especializado para seleccionar os oito mapas máis relevantes dun total de 22 propostas iniciais.

Unha vez seleccionados, o equipo de Tysgal transformou as bases de datos en mapas dixitais mediante software SIX. A continuación, o deseñador Pedro Iglesias dotou o proxecto dunha unidade gráfica coherente, tanto nos mapas como no sitio web.

Ao mesmo tempo, deseñouse unha estratexia de comunicación para a web e as redes sociais, garantindo unha difusión ampla e accesible. Tamén se produciron vídeos explicativos protagonizados por expertos como José Carlos Sánchez Pardo, José Miguel Andrade Cernadas e Diana Pelaz Flores, e incluíuse unha selección de mapas medievais que demostran a presenza de Galicia en fontes de época.

O resultado final está dispoñible en reino.gal baixo a licenza Creative Commons CC-by-SA, o que permite a reutilización e adaptación do contido.

Polo tanto, este proxecto pretende ser unha ferramenta útil para o profesorado, o persoal investigador e o público en xeral, contribuíndo á creación de contidos en lingua gallega sobre a historia do Reino de Galiza.