Sinopse

Retrincos é un espectáculo que une música en directo e dramatización para revisitar a obra de Castelao desde unha perspectiva escénica e musical. A proposta combina a interpretación teatral de varios relatos de Retrincos coa execución da obra composta por David Fiuza Souto, creando un diálogo entre palabra e música que achega ao público o universo literario dun dos grandes referentes da cultura galega. No escenario, a Banda da Escola de Música de Rianxo e Teatro Airiños constrúen unha experiencia compartida na que a narración, a interpretación musical e a escena conviven para ofrecer unha nova lectura dos textos de Castelao. O espectáculo conclúe coa interpretación de Lela, unha das pezas máis emblemáticas do patrimonio musical galego.

Ficha Técnica

• Formato: Concerto dramatizado
• Título: Retrincos
• Participan: Banda da Escola de Música de Rianxo Teatro Airiños
• Música: Retrincos, de David Fiuza Souto
• Base literaria: Retrincos e unha escena de Os vellos non deben de namorarse, de Castelao
• Duración: 70 minutos
• Público: Xeral.

Sesións

• Santiago de Compostela: Centro Sociocultural de Santa Marta, 17/10/26 – 19:00h
• Ribeira: Auditorio de Ribeira, 08/11/26 – 19:00h