Conversa con Ana Geranios: “¿Que tipo de planta son eu?”

Ana Geranios (Andalucía, 1988) é xornalista, escritora e directora de escena. Publicou o diario-ensaio “Verano sin vacaciones. Las hijas de la Costa del Sol” (Piedra Papel Libros, 2023) e o diario poético-fotográfico “Prometo. Fragmentos para volver a entender del mundo” (Edicións Fantasma, 2023). Estudou gravado e teatro sociocomunitario. Actualmente atópase na Residencia Literaria da Coruña, onde realiza unha investigación baseada na escoita do reino vexetal, unha práctica de resistencia ao declive humanitario que define a sociedade contemporánea.