Sinopse

Rato Pérez é un espectáculo familiar que reinventa o coñecido personaxe recolle-dentes a través dunha aventura chea de humor, acción e fantasía. Cada noite, Rato Pérez cumpre unha misión moi especial: recoller os dentes que as nenas e os nenos deixan debaixo da almofada. Pero nesta ocasión enfróntase a un problema inesperado: o lugar onde garda todos eses dentes está a quedar pequeno. Na procura dunha solución, terá que superar desafíos, descubrir novos aliados e demostrar que incluso os heroes máis pequenos poden atopar grandes respostas. Con interpretación, monicreques, música orixinal e unha boa dose de comicidade, o espectáculo mergulla o público no universo do personaxe máis querido da infancia, reivindicando unha tradición que forma parte do imaxinario de varias xeracións.

Ficha Técnica

• Formato: Espectáculo familiar
• Título: Rato Pérez
• Compañía: A Xanela do Maxín
• Autoría e dirección: Celtia Figueiras e Xosé Breijo
• Interpretación: Celtia Figueiras e Xosé Breijo
• Monicreques: Marcelo P. Fernández
• Música orixinal: Pedro González
• Duración: 50 minutos
• Público: Infantil e familiar, recomendado a partir de 3 anos.

Sesións

• Cabana de Bergantiños: Auditorio Municipal, 18/10/26 – 18:00h
• A Laracha: Casa da Cultura, 21/10/26 – 18:00h
• As Pontes de García Rodríguez: Cine Alovi, 22/10/26 – 18:00h
• Lousame: Casa da Cultura, 08/11/26 – 18:00h
• Carnota: Auditorio do Viso, 13/11/26 – 19:00h