Ano 2026: 2º Edición Premio “José Gil” de audiovisual

Tendo en conta a significación especial que, para a produción e a difusión de películas e obras audiovisuais, posúe, dende hai tempo, a provincia da Coruña e coa finalidade de contribuír á memoria de personaxes singulares e representativos neste campo como foi José Gil, a Deputación da Coruña convoca o I Premio “José Gil” de audiovisuais.

José Gil foi pioneiro no reporteirismo fotográfico, o nacemento do cine ficcional e documental en Galicia, as primeiras produtoras e laboratorios cinematográficos, o cinema industrial e turístico, a lusofonía audiovisual, o cine educativo e científico, o cinema móbil, os noticiarios, a publicidade, o cinema da emigración, o arquivo fílmico e tantas outras achegas incuestionábeis do cineasta a prol da modernización de Galicia entre 1910 e 1935, representando sen dúbida o máis salientable pioneiro do cinema galego da nosa historia.