Premio boas prácticas

O Premio de "Boas Prácticas en Servizos Sociais" da Deputación da Coruña, busca recoñecer e premiar o traballo realizado por entidades sen ánimo de lucro do ámbito dos servizos sociais que desenvolvan a súa actividade na provincia da Coruña e que, a xuízo desta administración, destaquen polo seu labor en defensa dos dereitos da cidadanía e a favor dos grupos máis vulnerables, promovendo un maior benestar social das persoas, grupos e comunidades.

O presente premio está incluído no plan estratéxico provincial de subvencións da Deputación 2024 e contribúe ao logro dos obxectivos incorporados no dito plan.

Establécense 6 premios, dotados con 7.000 € cada un en dúas modalidades : proxectos e traxectoria da entidade

Na modalidade de proxectos poderán concederse 5 premios, 1 por cada unha das seguintes categorías:

a) Investigación científica no ámbito dos Servizos Sociais
b) Iniciativas no ámbito rural
c) Área de persoas maiores, discapacidade e dependencia
d) Área de familia, infancia e adolescencia
e) Área de inclusión social

Na modalidade de traxectoria da entidade poderá concederse 1 premio, no que se valorará o traballo realizado pola entidade en favor dos dereitos sociais das persoas, o seu desenvolvemento e campo de acción, a súa experiencia, recursos e especialización.

As bases do premio publicáronse no BOP Nº 218 12/NOVEMBRO 2024