A Deputación da Coruña apoia con 90.000 euros á asociación Amigos da Ópera da Coruña para o financiamento da ópera «Aida», interpretada o pasado setembro na Coruña, e do seu Curso de interpretación vogal, que forma parte da Programación Lírica da Coruña para o ano 2023. O presidente provincial, Valentín González Formoso, e a presidenta de Amigos da Ópera, Natalia Lamas, e a deputada de Cultura, Natividad de Jesús González, asinaron o convenio de colaboración entre ambas as dúas entidades.
A Deputación apoia así estas actividades con 90.000 euros, un 26,41 % do orzamento total destas, que ascende a 340.734 euros.
Formoso subliñou o valor cultural que achega, ano tras ano, Amigos da Ópera, coa organización de espectáculos de primeiro nivel na cidade da Coruña e que contan con figuras de recoñecido prestixio internacional no mundo da ópera. Foi o caso de Aida, de Giuseppe Verdi, unha da óperas máis famosas e aclamadas da historia de música, que se interpretou o pasado setembro no Palacio da Ópera da Coruña cun elenco de músicos e intérpretes de primeiro nivel.
O presidente provincial destacou tamén «a parte formativa desta entidade, que cada ano forma no ámbito musical a novos estudantes e potencia a creación de novos talentos».
A colaboración da Deputación tamén permite financiar, ano tras ano, a totalidade da temporada lírica que deseña a asociación Amigos da Ópera da Coruña.
