{"id":8199,"date":"2025-11-03T14:27:00","date_gmt":"2025-11-03T13:27:00","guid":{"rendered":"https:\/\/dacoruna.wpcoruna.es\/as-xornadas-de-ilustracion-urbana-volven-a-compostela-co-apoio-da-deputacion\/"},"modified":"2025-11-03T14:27:00","modified_gmt":"2025-11-03T13:27:00","slug":"as-xornadas-de-ilustracion-urbana-volven-a-compostela-co-apoio-da-deputacion","status":"publish","type":"post","link":"https:\/\/aculturaeundereito.gal\/es\/as-xornadas-de-ilustracion-urbana-volven-a-compostela-co-apoio-da-deputacion\/","title":{"rendered":"As Xornadas de Ilustraci\u00f3n Urbana volven a Compostela co apoio da Deputaci\u00f3n"},"content":{"rendered":"

As Xornadas de Ilustraci\u00f3n Urbana regresan a Compostela os d\u00edas 7 e 8 de novembro co apoio da Deputaci\u00f3n da Coru\u00f1a. Organizadas polo Concello de Santiago, celebraranse na Casa das M\u00e1quinas, que acoller\u00e1 un obradoiro e un programa de conferencias, de balde e abertos ao p\u00fablico, que po\u00f1en o foco na ilustraci\u00f3n como ferramenta de observaci\u00f3n e reflexi\u00f3n sobre o espazo urbano<\/p>\n

Na presentaci\u00f3n hoxe da programaci\u00f3n participaron o deputado de Patrimonio, Xos\u00e9 Penas; a concelleira de Capital Cultural do Concello de Santiago, M\u00edriam Louzao, e a coordinadora das xornadas, Gemma Sesar.<\/p>\n

Penas destacou a calidade da programaci\u00f3n, \u00abque d\u00e1 importancia \u00e1 ilustraci\u00f3n como medio de expresi\u00f3n, de arte e de reflexo dunha forma concreta de observar o territorio\u00bb. \u00abNeste catro d\u00edas\u00bb, engadiu, \u00abimos ter a oportunidade de observar, de aprender e de motivarnos, dun xeito ou doutro, para gozar de Compostela cunha mirada diferente, a duns e dunhas artistas que far\u00e1n que os nosos ollos se pousen sobre pedras que moitas veces pasar\u00edan inadvertidas\u00bb.<\/p>\n

Para o deputado, \u00aba ilustraci\u00f3n \u00e9 moito m\u00e1is ca o debuxo que chega ata a n\u00f3s: \u00e9 a mirada, a emoci\u00f3n e o traballo de todos os que tedes esa visi\u00f3n que moitas veces esquecemos\u00bb. \u00abComa sempre digo\u00bb, abundou, \u00abdende o noso departamento, o patrimonio \u00e9, en definitiva, todo aquilo que nos envolve e que fai do noso pa\u00eds ese pa\u00eds inmensamente rico; en demasiadas ocasi\u00f3ns, sen que o saibamos\u00bb.<\/p>\n

Tivo Penas \u2013quen lles deu os parab\u00e9ns polo programa a Louzao, ao Concello e a todos os responsables da organizaci\u00f3n do encontro\u2013 palabras de recordo para Jos\u00e9 Y\u00e1\u00f1ez, \u00aba quen co\u00f1ecemos moi ben e admiramos na nosa administraci\u00f3n, e que presentou hai uns meses un marabilloso libro que o confirma como, para moitos, entre os que me incl\u00fao, un dos mestres da observaci\u00f3n patrimonial a trav\u00e9s da ilustraci\u00f3n\u00bb.<\/p>\n

Segundo M\u00edriam Louzao, \u00abun ano m\u00e1is, as Xornadas remarcan o poder do debuxo como ferramenta de co\u00f1ecemento, de observaci\u00f3n e tam\u00e9n de resistencia fronte \u00e1 velocidade, as distracci\u00f3ns e as rutinas que marcan e condicionan o tempo que vivimos\u00bb. \u00abDa man de artistas excepcionais\u00bb, dixo, \u00abamosan que \u00e9 posible tecer unha imaxe alternativa das cidades: un relato feito de ollares atentos, de pequenas historias e de xestos coti\u00e1ns que, xuntos, constr\u00faen unha memoria visual compartida de Compostela\u00bb.<\/p>\n

Pola s\u00faa parte, Gemma Sesar, apuntou que a de Compostela \u00ab\u00e9 xa unha cita moi admirada e agardada por debuxantes e artistas da ilustraci\u00f3n\u00bb e animou a cidadan\u00eda e visitantes \u00aba tomar parte nesta edici\u00f3n que mesmo incl\u00fae propostas para aquelas persoas que nunca se atreveron co debuxo\u00bb.<\/p>\n

Programa<\/strong>
VENRES 7 DE NOVEMBRO<\/p>\n