{"id":5526,"date":"2024-01-23T12:56:00","date_gmt":"2024-01-23T11:56:00","guid":{"rendered":"https:\/\/dacoruna.wpcoruna.es\/cultura-da-deputacion-presenta-as-residencias-artisticas-marinan-2024\/"},"modified":"2024-01-23T12:56:00","modified_gmt":"2024-01-23T11:56:00","slug":"cultura-da-deputacion-presenta-as-residencias-artisticas-marinan-2024","status":"publish","type":"post","link":"https:\/\/aculturaeundereito.gal\/es\/cultura-da-deputacion-presenta-as-residencias-artisticas-marinan-2024\/","title":{"rendered":"Cultura da Deputaci\u00f3n presenta as Residencias Art\u00edsticas Mari\u00f1\u00e1n 2024"},"content":{"rendered":"

A Deputaci\u00f3n da Coru\u00f1a volve reforzar as s\u00faas li\u00f1as de apoio a creadoras e creadores d\u00e1ndolles continuidade \u00e1s Residencias Art\u00edsticas Mari\u00f1\u00e1n. Present\u00e1ronas esta ma\u00f1\u00e1 na sede provincial a deputada de Cultura, Natividade Gonz\u00e1lez, e a comisaria de m\u00fasica, Aitana Cu\u00e9tara.<\/p>\n

Apoio ao proceso art\u00edstico<\/strong><\/p>\n

\u00abCon esta segunda edici\u00f3n das Residencias, complementamos a aposta por apoiar activamente as creadoras e creadores, como o noso departamento v\u00e9n facendo desde hai anos coa convocatoria anual de bolsas art\u00edsticas e de premios e certames nos diferentes \u00e1mbitos e disciplinas\u00bb, salientou Gonz\u00e1lez. \u00abNesta caso, reforzamos dous programas centrados non nas pezas ou nos resultados finais, sen\u00f3n nos procesos creativos, nun espazo singular, como \u00e9 o Pazo de Mari\u00f1\u00e1n, e po\u00f1endo a disposici\u00f3n dos participantes todos os medios para desenvolver os seus proxectos con \u00e9xito e nas mellores condici\u00f3ns\u00bb.<\/p>\n

Coas Residencias, a \u00e1rea de Cultura provincial quere, en palabras da deputada, \u00abapoiar uns espazos que doten de tempo e de recursos aos artistas: unha necesidade que se consolida no mundo da cultura e unha necesidade para a creaci\u00f3n art\u00edstica\u00bb.<\/p>\n

Para Aitana Cu\u00e9tara, \u00ab\u00e9 moi importante que a administraci\u00f3n aposte por acompa\u00f1ar estes procesos e que todos sexamos conscientes do necesario que \u00e9 para os creadores ter o tempo, ter os recursos econ\u00f3micos e ter a formaci\u00f3n para aprobar iso. Neste sentido, as Residencias Mari\u00f1\u00e1n son \u00fanicas, algo que hai que agradecerlle ao departamento de Cultura da Deputaci\u00f3n\u00bb.<\/p>\n

Seleccionaranse un m\u00e1ximo de catro proxectos do \u00e1mbito musical e outros catro dos eidos da literatura e do pensamento para desenvolver a s\u00faa estad\u00eda no Pazo de Mari\u00f1\u00e1n entre o 15 e o 26 de abril. Cada residencia ter\u00e1 unha duraci\u00f3n m\u00e1xima de seis d\u00edas, no caso das musicais, e de doce, no caso das literarias e de pensamento.<\/p>\n

O programa de m\u00fasica quere promover o desenvolvemento da produci\u00f3n musical galega desde unha ollada contempor\u00e1nea e consciente; establecer un contexto de acompa\u00f1amento e formaci\u00f3n para mellorar a viabilidade e a profesionalizaci\u00f3n das produci\u00f3ns, e crear sinerx\u00edas con outras residencias e programaci\u00f3ns para fomentar o intercambio de propostas e artistas e mellorar a proxecci\u00f3n das produci\u00f3ns. Pola s\u00faa parte, o programa literario busca fornecer as condici\u00f3ns favorables para intensificar o proceso de creaci\u00f3n literaria e o pensamento en contextos de traballo e aprendizaxe comunitarios.<\/p>\n

Dotaci\u00f3n das residencias<\/strong>
A residencias incl\u00faen a dotaci\u00f3n material necesaria e espazos axeitados no Pazo de Mari\u00f1\u00e1n para o desenvolvemento das propostas; manutenci\u00f3n e aloxamento para as e os participantes, e acompa\u00f1amento e seguimento do proxecto por parte da comisaria e do comisario co fin de facilitar a s\u00faa viabilidade. No caso das estad\u00edas de m\u00fasica, tam\u00e9n formaci\u00f3n espec\u00edfica para a profesionalizaci\u00f3n e a distribuci\u00f3n das propostas, que far\u00e1n persoas expertas convidadas; visitas e reuni\u00f3ns de axentes culturais e programadores e programadoras, para apoiar a continuidade do traballo feito nas estad\u00edas dentro dos circu\u00edtos musicais; e financiamento das necesidades t\u00e9cnicas da creaci\u00f3n: dese\u00f1o esc\u00e9nico, de luces e de son ou o vestiario. No caso das estad\u00edas de literatura, programarase, ademais, unha xornada con convidados e convidadas do mundo da creaci\u00f3n e do pensamento.<\/p>\n

O xurados estar\u00e1n presididos pola deputada de Cultura e formar\u00e1n parte de cada un deles tres persoas expertas de reco\u00f1ecido prestixio.<\/p>\n

Proxectos referentes que naceron en Mari\u00f1\u00e1n<\/strong>
Na primeira edici\u00f3n das residencias de m\u00fasica participaron Berto, Caama\u00f1o&Ameixeiras, Mario G. Cortizo e Xacobe Mart\u00ednez Cuarteto Federal. E, nas de literatura e pensamento, Vanesa Mart\u00ednez, Andr\u00e9s Sanjurjo, Paula Dom\u00ednguez, Judith Ruso, Esther Carrodeguas, Soraya Lema, Abraham P\u00e9rez e Mar\u00eda Marco. En Mari\u00f1\u00e1n empezaron a desenvolverse traballos coma Quitar o aire, o \u00faltimo disco de Caama\u00f1o&Ameixeiras; o proxecto Cuarteto Federal, encontro entre catro talentos do jazz contempor\u00e1neo espa\u00f1ol: o galego Xacobe Mart\u00ednez, o andaluz Javier Galiana, o catal\u00e1n Guillem Arnedo e o canario Kike Perdomo; S\u00f3 un solo, que lle valeu a Mario G. Cortizo o Premio Mart\u00edn C\u00f3dax da m\u00fasica galega 2023; ou Iribarne, texto teatral de Esther Carrodeguas que levou a escena, con grande \u00e9xito, o Centro Dram\u00e1tico Nacional.<\/p>\n

O prazo de presentaci\u00f3n de solicitudes \u2014que deber\u00e1 facerse de xeito telem\u00e1tico a trav\u00e9s da plataforma SUBTEL de tramitaci\u00f3n electr\u00f3nica da Deputaci\u00f3n\u2014 estar\u00e1 aberto entre o 23 de xaneiro e o 23 de febreiro.<\/p>\n

As bases das d\u00faas convocatorias public\u00e1ronse no BOP do 22 de xaneiro e poden consultarse e descargarse nas seguintes ligaz\u00f3ns:<\/p>\n