---
title: "Semana de actividades do Premio Ksado coa homenaxe ao Fotógrafo Histórico en Muros, a exposición no Museo do Pobo Galego e os obradoiros de Emilio Morenatti e Maria Mann"
description: "Comeza a semana de actividades do Premio Ksado de Creación Fotográfica co recoñecemento ao 'Fotógrafo Histórico' esta tarde en Muros, e continúa mañá coa apertura da exposición das coleccións gañadora..."
url: https://aculturaeundereito.gal/es/semana-de-actividades-do-premio-ksado-coa-homenaxe-ao-fotografo-historico-en-muros-a-exposicion-no-museo-do-pobo-galego-e-os-obradoiros-de-emilio-morenatti-e-maria-mann/
date: 2022-10-03
modified: 2022-10-03
author: "admin"
image: https://aculturaeundereito.gal/wp-content/uploads/2022/10/KSADO_XURADO_6_PREMIO_FOTOGRAFIA___11.jpg
categories: ["Cultura"]
tags: ["cultura", "prensa"]
type: post
lang: es
---

# Semana de actividades do Premio Ksado coa homenaxe ao Fotógrafo Histórico en Muros, a exposición no Museo do Pobo Galego e os obradoiros de Emilio Morenatti e Maria Mann

Comeza a semana de actividades do Premio Ksado de Creación Fotográfica co recoñecemento ao ‘Fotógrafo Histórico’ esta tarde en Muros, e continúa mañá coa apertura da exposición das coleccións gañadora e finalistas no Museo do Pobo Galego, e o mércores e xoves cos obradoiros de fotografía no Centro Ágora da Coruña, a cargo do gañador do premio Pulitzer, Emilio Morenatti, e da editora gráfica internacional, Maria Mann.

Esta mesma tarde, ás 19h, na Casa da Cultura de Muros terá lugar o acto institucional de recoñecemento a Juan e Perpetua Malvárez, e no que participarán a alcaldesa da localidade, Inés Monteagudo, o deputado de Cultura da Deputación, Xurxo Couto, a neta de Juan Malvárez, Josefina Malvárez, e o fotógrafo e comisario do Premio, Xurxo Lobato. Tras o acto institucional, terá lugar a mesa redonda sobre o seu legado na que participarán o deputado de Cultura, Xurxo Couto, o profesor de historia da USC, Isidro Dubert, e a neta de Juan Malvárez, Josefina Malvárez. A mesa estará moderada por Xurxo Lobato.

Mañá,martes 4 de outubro, a actividade principal trasládase a Compostela, concretamente ao Museo do Pobo Galego, coa inauguración da mostra que recolle as series gañadora e seleccionadas na presente edición do Premio. A serie gañadora, ‘Lume’ de Brais Lorenzo (Ourense), estará acompañada das series ‘Paisaxes da inexistencia’ de Belén Lozano López (Lugo); ‘La escoria rebelde’ de Fuco Reyes (Compostela); ‘Máscaras del Entroido Gallego. Festival VIBO 2022’ de Carlos González Ximénez (Madrid); ‘Europa «not welcome» de Sergi Cámara (Barcelona); e ‘Vulcanonautas’ de Arturo Rodríguez (Tenerife).

Mentres, os días 5 e 6 de outubro terán luar sendos obradoiros no Centro Ágora, a cargo do gañador do premio Pulitzer, Emilio Morenatti, e da editora gráfica internacional, Maria Mann. Ambas sesións serán en horario de tarde, entre as 16:30h e as 20h.