---
title: "María Reimóndez e Oliver Laxe protagonizan o episodio de Referentes do mes de setembro"
description: "A escritora, tradutora e activista, María Reimóndez, e o actor, guionista e director, Oliver Laxe, protagonizan o vindeiro episodio de Referentes. Poderá verse a través do perfil de Facebook e da canl..."
url: https://aculturaeundereito.gal/es/maria-reimondez-e-oliver-laxe-protagonizan-o-episodio-de-referentes-do-mes-de-setembro/
date: 2022-09-23
modified: 2022-09-23
author: "admin"
image: https://aculturaeundereito.gal/wp-content/uploads/2022/09/REFERENTES_OliverLaxe_MariaReimondez-21.jpg
categories: ["Cultura"]
tags: ["cultura", "prensa"]
type: post
lang: es
---

# María Reimóndez e Oliver Laxe protagonizan o episodio de Referentes do mes de setembro

A escritora, tradutora e activista, María Reimóndez, e o actor, guionista e director, Oliver Laxe, protagonizan o vindeiro episodio de Referentes. Poderá verse a través do perfil de Facebook e da canle de Youtube da área de Cultura da Deputación o venres 30 de setembro a partir das 12h.

O activismo de dous xeitos diferentes, dunha banda desde a volta ao rural e doutra desde a cooperación ao desenvolvemento, centran boa parte da conversa entre os protagonistas do novo episodio. Os referentes familiares e a identidade cultural, a emigración, o individualismo e a colectividade, son outros dos temas que van aparecendo ao longo do encontro.

Así, María Reimóndez e Oliver Laxe contrastan as súas respectivas visións sobre a sociedade actual e o seu papel activo para mudar comportamentos, visións coincidentes en moitos aspectos, mais non en todos.

Ambos contestan, ademais, á pregunta que os ‘referentes’ do anterior episodio –Pepe Solla e Manuel Gago-, lles deixaron formuladas e amosan cadanseu obxecto que consideran especial e a relación que ten coa súa vida e coa súa.

Referentes T2 estreouse o pasado mes de abril coa conversa entre Margarita Ledo e Xabier Fortes, continuou en maio co episodio que protagonizan Melania Freire e Pepe Barro e, en xuño con Pepe Solla e Manuel Gago. Tras esta conversa entre María Reimóndez e Oliver Laxe continuará aínda con dous episodios máis, que se estrearán en outubro e novembro.