Coa intención de difundir, apoiar e promocionar os grupos e artistas musicais das diferentes comarcas e localidades galegas, así como para lembrar e difundir socialmente a figura e a o obra do músico, compositor para espectáculos musicais e teatrais e dinamizador cultural, que foi o cantante Fran Pérez «Narf», a Deputación da Coruña convoca o Concurso Musical Deputación da Coruña, que pasa a denominarse a partir do ano 2017 Concurso Fran Pérez «Narf» para grupos e artistas musicais.

Pode participar calquera grupo ou artista musical galego ou residentes en concellos galegos, do ámbito da música pop e variantes (folk, rock, rap, reggae…), que non fosen premiados nos cinco anos naturais anteriores do concurso.