---
title: "A Deputación da Coruña percorre espazos vinculados ao poeta Paco Souto en Malpica e Santiago de Compostela"
description: "No mes de marzo fanse 6 anos do falecemento do poeta, editor, activista cultural e social Paco Souto. A finais do ano 2019 publicouse un poemario, Luz de incendios, con acompañamento musical que non c..."
url: https://aculturaeundereito.gal/a-deputacion-da-coruna-percorre-espazos-vinculados-ao-poeta-paco-souto-en-malpica-e-santiago-de-compostela/
date: 2023-09-11
modified: 2023-09-11
author: "admin"
image: https://aculturaeundereito.gal/wp-content/uploads/2023/09/CARTEL_ROTEIRO_MALPICA.jpg
categories: ["Cultura"]
tags: ["cultura", "prensa"]
type: post
lang: gl
---

# A Deputación da Coruña percorre espazos vinculados ao poeta Paco Souto en Malpica e Santiago de Compostela

No mes de marzo fanse 6 anos do falecemento do poeta, editor, activista cultural e social Paco Souto. A finais do ano 2019 publicouse un poemario, Luz de incendios, con acompañamento musical que non chegou a ver a luz na vida do autor.

Coa chegada da pandemia, segundo explicou a deputada de lingua, Soledad Agra, tamén se “confinou” esta obra que vén tamén con ilustración do autor falecido en Razo, e por ese motivo queremos renderlle homenaxe ao autor lendo a súa obra, axudando a visibilizala mais tamén lembrando aqueles espazos en que fixo activismo, poesía, traballo de base, asociacionismo,..”, explicou a deputada.

Nado na Coruña o día 12 de outubro de 1962, Paco Souto desenvolveu un intenso labor cultural e social. Foi coeditor de Edicións do Dragón e da colección Letras de Cal. Presidente da asociación de mariscadores e da asociación Caldeirón, desde a que promoveu o Premio de Poesía Erótica Illas Sisargas. Igualmente, foi o principal responsable da Editorial Caldeirón, un auténtico viveiro todos estes anos de renovación literaria. A título póstumo gañou o premio ao mellor poema galego do certame aRi[t]mar Galiza e Portugal.

Os roteiros terán lugar o 16 de setembro en Malpica e o 30 do mesmo mes en Santiago de Compostela, neles participarán poetas como Xosé Iglesias e Rosalía Fernández Rial que lerán textos do autor. Os dous roteiros estarán guiados por Miro Villar (escritor e amigo do autor homenaxeado) e finalizán coa actuación musical de de Serxio Moreira.