Cultura, cooperación e territorio. A política cultural da Deputación da Coruña desenvólvese ao redor destes elementos, a partir dos cales procuramos axudar a construír unha sociedade viva, dinámica, consciente, orgullosa da súa identidade e sabedora do seu potencial.

Cremos na cultura como ferramenta para a mellora social. E apostamos por traballar, para a conseguir, cos diferentes axentes e actores culturais da nosa sociedade. Cooperamos cos concellos, as entidades e as e os artistas desde o local, desde a proximidade.

Acreditamos firmemente en que a cultura é un dereito, que alimenta, que nos fai o que somos. O espazo das ideas e dos valores, que non pode reducirse a ornamento. Por iso traballamos. Cultura en todos os concellos, cultura con todas as persoas.

VINDEIRA XORNADA

· III XORNADA ·

9 de Xuño 2018
Teatro Colón, A Coruña

“A escena galega no palco do Colón” é un encontro que pretende axudar a contrastar os diferentes procesos polos que transitan as persoas que se dedican á creación escénica en Galicia. O encontro ten como eixo central o traballo de  dramaturgos/as, actores e actrices, directores/as, coreógrafos/as, bailaríns/nas, xentes do circo, todos/as a conversar sobre cales son os camiños e metodoloxías que os/as levan a crear unha peza escénica.

PARA ASISTIR Á XORNADA É PRECISO INSCRIBIRSE NO FORMULARIO QUE APARECE A CONTINUACIÓN DESTE PROGRAMA. PARA ASÍSTIR ÁS REPRESENTACIÓNS ESCÉNICAS DAS 20:00 E AS 21:30 HORAS É PRECISO RETIRAR A ENTRADA PREVIA NAS SEGUINTES LIGAZÓNS: 

Sesión 20:00 horas: https://bit.ly/2Kl0BrB

Sesión 21:30 horas: https://bit.ly/2rDMTcw

SESIÓN DE MAÑÁ:

10:00 horas. Benvida e presentación da xornada a cargo de Goretti Sanmartín Rei, vicepresidenta da Deputación de A Coruña e deputada de Cultura.


10:30 horas. Os procesos creativos na ensinanza das artes escénicas. Unha conversa na que interveñen:

• Daniel Salgado, director de escena. Profesor do departamento de dirección escénica na Escola Superior de Arte Dramática de Galicia.

• Carlos Neira, director de escena. Director da escola de Teatro e Danza Espazo Aberto en Santiago de Compostela.

• Carlos Sante, actor, director e formador. Socio fundador, ex-presidente de Manicómicos e director do seu festival, na Coruña. 

Modera: Irene Moreira. Directora de escena, fundadora e xestora da Sala Ingrávida, O Porriño

12:00 horas. Descanso/café.

12:30 horas. A creación de espazos sonoros e visuais como ferramenta dramatúrxica.

Baltasar Patiño e Laura Iturralde son entrevistados por Afonso Becerra.

• Baltasar Patiño, iluminador e deseñador de espazos escénicos. Creador de espazos sonoros. Cofundador de Matarile Teatro, da Sala Galán, e director e promotor do espazo efémero sala “La Montiel”.

• Laura Iturralde, escenógrafa, iluminadora, fotógrafa, vj.

• Afonso Becerra, dramaturgo e director de escena. Profesor do departamento de dramaturxia na Escola Superior de Arte Dramática de Galicia. Crítico en Artez e na Revista Galega de Teatro.

13:30 horas. Conversa: Narrativas escénicas. Unha conversa entre Xulio Lago e Areta Bolado, na que confrontar dúas formas de comprender a construción do relato escénico contemporáneo.

• Xulio Lago, director de escena. Fundador de Teatro do Atlántico. Membro destacado da xeración de profesionais que promoveu o nacemento do teatro profesional en Galicia.

• Areta Bolado, actriz. Fundadora de A Panadaría Teatro.

SESIÓN DE TARDE:

16:30 horas. A creación escénica desde a prespectiva do/a intérprete escénico/a. Conversa entre:

• Patricia de Lorenzo, actriz e cantante. Integrante da Cía. Chévere (Premio Nacional de Teatro 2014).

• Eduardo Alberto Rodríguez Cunha “TATÁN”, actor, titiriteiro e marionetista. Membro fundador de Tanxarina Títeres.

• Olga Cameselle, coreógrafa, directora de movemento escénico, intérprete escénica (bailarina e actriz). Co-fundadora de A Produccións Artísticas, Teatro e Danza.

• Pablo Reboleiro, paiaso, actor e director escénico. Membro fundador da Cía. Pistacatro.

Modera: Esther Carrodeguas. Dramaturga, directora de escena, actriz. Forma parte da Cía. Butaca Zero.

18:00 horas. A Dirección de escena e a dramaturxia. Diferentes xeitos de tecer a estrutura dramatúrxica dunha peza. Unha conversa con:

• Tito Asorei, actor e director de escena. Membro fundador de II Maquinario Teatro.

• Gena Baamonde, actriz, creadora e directora de escena.

• Quico Cadaval, actor e director de escena. Narrador oral. Membro de Producións Teatrais Excéntricas. Premio Cultura Galega das Artes Escénicas, 2011.

• Ruth Balbís, directora da Cía. Pisando Ovos. Bailarina e coreógrafa.

Modera: Tito Asorei.

19:30 horas. Descanso.

20:00 horas (Segundo pase ás 21:30 horas). Catro Cías. escénicas galegas, amosan quince minutos do seu traballo en espazos non convencionais dentro do Teatro Colón. Participan:

ENTRADAS EN:

Sesión 20:00 horas: https://bit.ly/2Kl0BrB

Sesión 21:30 horas: https://bit.ly/2rDMTcw

• Elefante Elegante, Cía. de A Coruña dirixida por María Torres e Gonçalo Guerreiro. As súas creacións buscan a universalidade, xurdindo da fusión de diferentes linguaxes: o teatro físico, a danza, as artes plásticas e as artes visuais.

• Prácido Domingo, nova compañía afincada en Vigo e vinculada á investigación e creación nas artes do movemento. Son Belén Bouzas, Diego M. Buceta e Fran Martínez.

• Caramuxo Teatro, Cía. de teatro infantil e familiar dirixida por Laura Sarasola e Juan Rodríguez, que crea espectáculos poéticos e visuais axeitados para gozar en familia.

• Manicómicos, asociación cultural coruñesa que promove a investigación o estudo e difusión das artes escénicas e a comedia. Mantén o seu Festival de teatro desde a súa creación no 2004. Colaborou na xestación da Federación Galega de Novo Circo.

_

FORMULARIO DE INSCRICIÓN III XORNADA

9 DE XUÑO, TEATRO COLÓN (A CORUÑA)

As persoas que se inscriban á III Xornada deberán indicar no campo "Mensaxe" se van a acudir:

• De mañá
• De tarde
• Todo o día

Os datos subministrados nesta ficha están protexidos pola Lei 15/1999 de protección de datos e unicamente serán empregados pola Deputación Provincial da Coruña para atender a súa solicitude. Os dereitos de acceso, rectificación, cancelación e oposición poderán executarse mediante correo postal, debidamente identificado mediante achega de copia do DNI ó seguinte enderezo: Deputación Provincial da Coruña, Avda. Porto da Coruña, 2, 15003 A Coruña.

XORNADAS ANTERIORES

· I XORNADA ·

  25 de Abril 2018
Pazo de Mariñán, Bergondo (A Coruña)

· II XORNADA ·

19 de Maio 2018
Teatro Colón, A Coruña